Am Donnerstag do start ma nei
mim Bieranstich und da Spofaggä-Esserei.
Da Freitag des is a scho gwiß,
da Dog für Traditionen is.
Um 19:00 Uhr so wia ses duad ghern,
dean mia unsane verstorbenen Mitglieder ehrn.
Danach do geht’s na zünftig auf,
so wias in Bayern is da Brauch.
Um achte auf‘d Nocht im Zelt duad sein,
da Heimatabend,
des werd richtig fein.
An Samstag derf ma ned vergessen,
do dean se olle Plattlergruppen messen.
Beim Gaupreisplattln a jeder duad sei Bestes geb‘n,
des muas a aa Fremder moi erleb‘n.
Für olle Leid aus Nah und Fern,
a Trachten- und Handwerkermarkt duad aa dazua ghern.
Über zahlreiche Besucher dean se gfrein,
de Aussteller und da Trachtenverein.
Am Sonntag do is na soweit,
auf‘s Gaufest se a jeder gfreid.
Durch ganz Miaschboch duad da Festzug geh,
des wead wirklich bsondas schee…
